Zëvendës-Ndihmës Sekretari i Byrosë për Çështje Ndërkombëtare të Narkotikëve dhe Zbatimit të Ligjit, z. Jorgan K. Andrews, i ka dërguar një letër Sekretarit të Përgjithshëm të Ministrisë së Punëve të Brendshme, z. Lulzim Ejupi, përmes së cilës e falënderoi për takimin e mbajtur në janar të këtij viti, ku u diskutua rreth progresit dhe sfidave në luftimin e korrupsionit dhe krimit ndërkombëtar.

Gjatë takimit të përbashkët, z. Ejupi e kishte njoftuar z. Andrews, për të arriturat e Ministrisë së Punëve të Brendshme në luftimin e krimit të organizuar dhe korrupsionit, prioritetet e ministrisë, si dhe fushat për të cilat kanë nevojë për mbështetje.

Në letër theksohet se Byroja për Çështje Ndërkombëtare të Narkotikëve dhe Zbatimit të Ligjit, është e gatshme që të ofrojë mbështetje Ministrisë së Punëve të Brendshme dhe institucioneve tjera në luftimin e korrupsionit.

Ministria e Punëve të Brendshme e falënderon, z. Jorgan K. Andrews, për mbështetjen e vazhdueshme të Qeverisë së SHBA-ve, të cilët përmes programeve të ndryshme kanë luajtur rolin kryesor në zhvillimin institucional të ministrisë dhe forcimin e kapaciteteve në parandalimin dhe luftimin e të gjitha formave të krimit.