Në këtë takim u diskutua mbi çështjet që lidhen me komunitetet që jetojnë në Republikën e Kosovës, në kuadër të mandatit të Ministrisë së Punëve të Brendshme. Ministri Sveçla e informoi Komisionerin Kamp për politikat dhe masat e ndërmarra me qëllim të garantimit të përfshirjes së të gjitha komuniteteve në institucionet e vendit.

Duke vlerësuar rolin dhe kontributin e komuniteteve në jetën shoqërore dhe institucionale të Kosovës, Ministri Sveçla theksoi përkushtimin e Ministrisë për të forcuar bashkëpunimin me misionin e OSBE-së, në funksion të zhvillimit të institucioneve gjithpërfshirëse dhe në shërbim të të gjithë qytetarëve pa dallim.

Po ashtu, Ministri Sveçla shprehu mirënjohje për mbështetjen dhe bashkëpunimin e vazhdueshëm që Ministria e Punëve të Brendshme ka marrë nga misioni i OSBE-së në Kosovë.