U mbajtën homazhe shtetërore në nderim të 14-vjetorit të rënies së Heroit Enver Zymeri dhe Ditës Memoriale të zyrtarëve policorë të rënë në krye të detyrës
Prishtinë
Në këtë ceremoni morën pjesë Kryeministri i Republikës së Kosovës, z. Albin Kurti, Ministri i Punëve të Brendshme, z. Xhelal Sveçla, Drejtori i Përgjithshëm i Policisë, Kolonel Gazmend Hoxha, si dhe përfaqësues të institucioneve shtetërore dhe të sigurisë.
Përmes vendosjes së kurorave me lule dhe homazheve, u shpreh respekti dhe mirënjohja e thellë për jetën, veprën dhe sakrificën e zyrtarëve policorë që ranë në mbrojtje të rendit dhe sigurisë publike, shtrirjes së sovranitetit dhe ruajtjes së integritetit territorial të Republikës së Kosovës.
