Po mbahet punëtoria për forcimin e rolit strategjik të Njësive të Menaxhimit të Burimeve Njerëzore

Prishtinë

29.01.2026

Departamenti për Menaxhimin e Zyrtarëve Publikë (DMZP) në kuadër të Ministrisë së Punëve të Brendshme, në bashkëpunim me SIGMA-n, po mban sot punëtorinë e radhës në kuadër të ciklit të takimeve që synojnë forcimin e rolit të Njësive të Menaxhimit të Burimeve Njerëzore (NjMBNj) si partnerë strategjikë në administratën publike.

Punëtoria u hap me fjalën hyrëse nga Sekretari i Përgjithshëm i Ministrisë së Punëve të Brendshme z. Genc Metaj, i cili theksoi rëndësinë e zhvillimit të vazhdueshëm të kapaciteteve të NjMBNj-ve dhe rolin e tyre në mbështetjen e reformave në shërbimin civil.

Fokus i veçantë i kësaj punëtorie janë modulet e reja të Sistemit Informativ për Menaxhimin e Burimeve Njerëzore (SIMBNj). Gjatë takimit po zhvillohen diskutime interaktive mbi sfidat praktike të përdorimit të sistemit, si dhe mbi mundësitë për përmirësimin e proceseve të punës së përditshme përmes digjitalizimit.

Pjesë e punëtorisë janë edhe përfaqësuesi nga SIGMA, z. Lech Marcinkowski, Këshilltar i Lartë i Politikave dhe Udhëheqës i Ekipit për Shërbimin Publik dhe Menaxhimin e Burimeve Njerëzore, si dhe z. Marek Ilves, Shef i Departamentit për Zhvillimin e Sistemeve të Informacionit në Qendrën Shtetërore për Shërbime të Përbashkëta të Estonisë, të cilët po prezantojnë praktikat më të mira ndërkombëtare në fushën e menaxhimit të burimeve njerëzore dhe digjitalizimit të administratës publike.

Kjo punëtori është një hap i rëndësishëm drejt fuqizimit të rolit të NjMBNj-ve dhe përmirësimit të menaxhimit të burimeve njerëzore në institucionet publike, duke kontribuar në një administratë më efikase, transparente, profesionale dhe të orientuar drejt shërbimit ndaj qytetarëve.

Po mbahet punëtoria për forcimin e rolit strategjik të Njësive të Menaxhimit të Burimeve Njerëzore

Prishtinë

Skedarët për shkarkim