Aplikimi për Leje-qëndrim i përkohshëm për të huajt në Kosovë nga MPBAP

Leje-qëndrim i përkohshëm për të huajt

1 LEJEQENDRIM I PËRKOHSHËM

- Qëndrim i përkohshëm me qëllim të ribashkimit familjar

Dokument të vlefshëm udhëtimi me afat vlefshmërisë të paktën 3 muaj më të gjatë se periudha e lejeqëndrimit të kërkuar;
Certifikatën e martesës, certifikatën e bashkësisë familjare apo certifikatën e lindjes së fëmijëve; në rastet e adoptimit dëshmi për themelimin e adoptimit apo në rastet e vënies nën kujdestari, dëshmi për themelimin e kujdestarisë;
Dokument identifikimi nga shtetasi i Republikës së Kosovës apo sponsori;
Mjete të mjaftueshme për jetesë të cilat dëshmohen përmes pasqyrës bankare, kontratës së punës apo dëshmi tjetër me të cilën dëshmohet se i huaji ka mjete të mjaftueshme për jetesë;
Dëshminë për banimin e siguruar (dëshminë e pronësisë apo kontratën e noterizuar të qirasë), me hapësirën të nevojshme për jetesë sipas normave minimale të banimit të përcaktuara me legjislacionin në fuqi;
Dëshminë që nuk është i dënuar, e lëshuar nga shteti, shtetas i të cilit është i huaji apo nga shteti i vendbanimit të fundit, e përkthyer në njërën nga gjuhët zyrtare të Republikës së Kosovës;
Sigurimin shëndetësor;
Të mos ketë ndalesë hyrje në Republikën e Kosovës;
Dëshminë për vaksinimin në rastet kur i huaji vjen nga shtetet ku është shpallur gjendje epidemie.

Në rastet e paraqitjes së kërkesës për lejeqëndrim të përkohshëm me qëllim të ribashkimit familjar mbi bazën e bashkëjetesës nuk kërkohet të plotësohet kushti nr. 2, por kërkohet dëshmia për bashkëjetesë 3 vjeçare, ose certifikata e lindjes në rast se në bashkëjetesë ka lindur një fëmijë i përbashkët.

- Qëndrim i përkohshëm me qëllim të punës

Dokumentin e vlefshëm të udhëtimit me afat vlefshmërie të paktën 3 muaj më të gjatë se periudha e lejeqëndrimit të kërkuar;
Kontratën e punës, sipas legjislacionit të punës në Republikën e Kosovës, përjashtimisht kontrata e punës nuk kërkohet për të huajin i cili është pronar i biznesit;
Mjete të mjaftueshme për jetesë të cilat dëshmohen përmes pasqyrës bankare apo kontratës së punës;
Dëshminë që nuk është nën hetime e lëshuar nga shteti, shtetas i të cilit është i huaji apo nga shteti i vendbanimit të fundit, e përkthyer në njërën nga gjuhët zyrtare të Republikës së Kosovës;
Certifikatën e regjistrimit të biznesit dhe informatat mbi biznesin;
Dëshminë mbi arsimimin, kualifikimin e fituar dhe aftësimin e të huajit , (origjinali ose kopje e vërtetuar te noteri), dhe e përkthyer në njërën nga gjuhët zyrtare të Republikës së Kosovës, përjashtimisht ky kusht nuk kërkohet për shtetasin e huaj i cili është pronar i biznesit;
Të mos ketë ndalesë hyrjeje në Republikën e Kosovës;
Sigurimin shëndetësor;
Dëshminë për vaksinimin në rastet kur i huaji vjen nga shtetet ku është shpallur gjendje epidemie.

Në rastet kur kërkesa për lejeqëndrim më qëllim pune brenda kuotës vjetore të punësimit bëhet nga i huaj i punësuar në OJQ-të, nuk kërkohet të plotësohet kushti i paraparë në piken 5 por duhet të paraqitet certifikata e regjistrimit të OJQ–së në Republikën e Kosovës.

- Qëndrim i përkohshëm me qëllim të arsimit parauniversitar

1. Dokument të vlefshëm udhëtimi me afat vlefshmërisë të paktën 3 muaj më të gjatë se periudha e lejeqëndrimit të kërkuar;

2. Dëshminë mbi regjistrimin në ndonjë institucion arsimor në Republikën e Kosovës;

3. Dëshminë e pëlqimit të prindërit ose kujdestarit ligjor për qëndrimin e planifikuar, qëllimi i të cilit është arsimi parauniversitar në Republikën e Kosovës, të noterizuar ose të vërtetuar nga gjykata;;

4. Mjete të mjaftueshme për jetesë e cila dëshmohet përmes pasqyrës bankare, apo dëshmi tjetër me të cilën dëshmohet se i huaji do të mbulojë shpenzimet për jetesë; në rastet e shkëmbimit të nxënësve, dëshmia se organizata që udhëheq programin mbulon mjetet për jetesë, kujdesin shëndetësor dhe shpenzimet e kthimit;

5. Dëshminë për akomodimin, në rastet kur i huaji banon tek familja dëshmi që familja i përmbush kushtet për akomodim në bazë të dispozitave ligjore në fuqi;

6. Dëshminë që nuk është nën hetime e lëshuar nga shteti, shtetas i të cilit është i huaji apo nga shteti i vendbanimit të fundit, e përkthyer në njërën nga gjuhët zyrtare të Republikës së Kosovës;

7. Sigurimin shëndetësor;

8. Të mos ketë ndalesë hyrjeje në Republikën e Kosovës;

- Qëndrim i përkohshëm me qëllim të arsimit të lartë dhe kërkimit shkencor

Dokumentin e vlefshëm të udhëtimit me afat vlefshmërisë të paktën 3 muaj më të gjatë se periudha e lejeqëndrimit të kërkuar;
Dëshminë mbi regjistrimin në ndonjë institucion i arsimit të lartë në Republikën e Kosovës;
Mjete të mjaftueshme për jetesë e cila dëshmohet përmes pasqyrës bankare, apo dëshmi tjetër e vërtetuar nga noteri, me të cilën dëshmohet se i huaji do të mbulojë shpenzimet për jetesë;
Dëshminë për akomodimin, adresa e saktë e vendbanimit.;
Dëshminë që nuk është nën hetime e lëshuar nga shteti, shtetas i të cilit është i huaji apo nga shteti i vendbanimit të fundit, e përkthyer në njërën nga gjuhët zyrtare të Republikës së Kosovës;
Sigurimin shëndetësor;
Të mos ketë ndalesë hyrjeje në Republikën e Kosovës;
Dëshminë për rastet kur kemi të bëjmë më shkëmbim të studenteve dhe lëvizshmërisë së të rinjve apo dëshminë për praktikën e autorizuar nga organizata, apo në bazë të marrëveshjeve ndërkombëtare, si dhe marrëveshjeve ndërmjet universiteteve, siç është përcaktuar në nenin 57 nën paragrafin 1.2 dhe 1.3 të Ligjit për të Huajt;

Për lejeqëndrimin e përkohshëm më qëllim të kërkimit shkencor duhet të plotësohen të gjitha kushtet si më lartë, si dhe kushtet tjera si në vijim:

· Ftesën nga institucioni i licencuar në Republikën e Kosovës;

· Marrëveshjen, e cila duhet të përmbajë:

o titullin ose qëllimin e veprimtarisë kërkimore ose të zonës së hulumtimit;

o obligimet e shtetasit të vendit të tretë që të përpiqet që t’i përfundojë aktivitetet kërkimore;

o obligimet e organizatës hulumtuese që të jetë mikpritëse e shtetasit të vendit të tretë me qëllim të kompletimit të veprimtarisë kërkuese;

o datën e fillimit dhe përfundimit ose kohëzgjatjen e parashikuar të aktivitetit kërkimor

DOKUMENTET E NEVOJSHME PËR VAZHDIM TË LEJEQËNDRIMIT TË PËRKOHSHËM

Të huajt të cilët aplikojnë për vazhdim të lejeqëndrimit të përkohshëm dhe nuk e ndërrojnë qëllimin e aplikimit paraprak, duhet t'i paraqesin dokumentet si në vijim:

1. Dokument i vlefshëm udhëtimi;

2. Dëshmi që posedon mjete financiare të mjaftueshme për jetesë;

3. Dëshminë që nuk është i dënuar nga gjykata në Republikën e Kosovës;

4. Sigurimin shëndetësor;

SQARIM – Kërkesa për vazhdimin e lejeqëndrimit të përkohshëm duhet të paraqitet brenda 30-ditëve para skadimit të lejeqëndrimit të përkohshëm.

Taksat për leje qëndrim të përkohshëm janë:

Për qëllim pune 50 Euro
Për bashkim familjar 30 Euro

Për qëllim studimi 10 Euro
Për humbje dëmtim 10 Euro

2 LEJEQENDRIM I PËRHERSHËM

Të ketë pesë ( 5 ) vite qëndrim të përkohshëm pa ndërprerë në Republikën e Kosovës, përjashtimisht në rastet e lejeqëndrimit të përhershëm të ribashkimit familjarë me martesë ose me bashkëjetesë, qëndrimi i pandërprerë kërkohet të jetë 3 vite;
Personit të mitur me qëndrim te përkohshëm në Republikën e Kosovës i lejohet qëndrimi i përhershëm nëse njeri nga prindërit është i huaj me leje qëndrim te përhershëm me pëlqimin e prindit tjetër.
Të ketë njohuri elementare të njërës nga gjuhët zyrtare në shkrim, njohuri për kulturën dhe rregullimin shoqëror të Republikës së Kosovës, e cila vërtetohet nga testi me shkrim, që organizohet nga Ministria e Punëve të Brendshme.

SQARIM: Njohja e gjuhës nuk kërkohet për fëmijët parashkollor; persona që kanë përfunduar arsimin fillor, të mesëm apo të lartë në Republikën e Kosovës; personat më të vjetër se 65 vjet nëse nuk janë të punësuar, dhe të huajt që e kanë gjuhë amtare njërën nga gjuhët zyrtare të Republikës së Kosovës.

DOKUMENTET E NEVOJSHME PËR LEJE QËNDRIM TË PËRHERSHËM

Dokument të vlefshëm udhëtimi;
Certifikatën që nuk është i dënuar nga Gjykata e Republikës së Kosovës;
Dëshmia për lidhjen e martesës;
Dëshmi për mjetet financiare për jetesë;
Sigurim shëndetësor;
Dëshmi për banimin e siguruar;

DOKUMENTET E NEVOJSHME PËR LEJE QËNDRIM TË PËRHERSHËM ME LIRIM NGA SHTETËSIA E RKS

1. Dokumenttëvlefshëmudhëtimi;

2. Dëshminëqënukështënënhetime,e lëshuar nga organi kompetent i shtetit, shtetasitëcilitështëihuajiapongashteti i vendbanimit të fundit, e përkthyer në njërënngagjuhëtzyrtaretëRepublikëssë Kosovës.

3. Vendimi për lirimin nga shtetësia e Republikës së Kosovës,

DOKUMENTET E NEVOJSHME PËR VAZHDIM ID KARTELËS SË LEJEQËNDRIMIT TË PËRHERSHËM

1. Pasaportënvalide;

2. Dëshminë që nuk është i dënuar nga gjykata në Republikën e Kosovës;

3. Sigurimin shëndetësor;

4. Vërtetimin për adresën e vendbanimit.

DOKUMENTET E NEVOJSHME PËR LEJE QËNDRIM TË PËRHERSHËM NË RRETHANA TË JASHTËZAKONSHME

Sqarim: Ky lloj i lejeqëndrimit i lëshohet të huajit i ka jetuar në Republikën e Kosovës së paku 5 vite para vitit 2019 dhe nuk e ka të rregulluar statusin legal të qëndrimit dhe nuk mund të pajiset me dokumentet e nevojshme nga shteti i origjinës, për tu pajisur me lejeqëndrim të rregullt në Republikën e Kosovës, dhe duhet të paraqiten dokumentet e mëposhtme:

1. Dokument personal me fotografi qoftë edhe i skaduar (pasaportë, letërnjoftim, patentë shoferi, certifikatë e lindjes me fotografi, ose çfarëdo dokumenti tjetër me fotografi që e dëshmon identitetin e të huajit);

2. Certifikatë të lindjes;

3. Dëshminë që nuk është i dënuar për vepër penale, e lëshuar nga organet kompetente të Republikës së Kosovës.

Si dhe të paktën tre (3) nga dokumentet e listuara më poshtë:

1. Vërtetimin që është duke vijuar shkollimin, sipas legjislacionit të Republikës së Kosovës;

2. Certifikatë/diplomë për përfundimin ose ndjekjen e shkollimit, studimeve, sipas legjislacionit të Republikës së Kosovës;

3. Dokument/dëshmi për bashkëjetesën,

4. Certifikatën e martesës;

5. Deklaratat e dëshmitarëve të vërtetuara nga noteri (për bashkëjetesën);

6. Kontratën e punës;

7. Pagesat e obligimeve komunale (kur faturat e obligimeve janë në emër të tjetërkujt dëshminë për lidhjen me atë person);

8. Faturat për pagesat e energjisë elektrike, ujit, apo mbeturinave (kur faturat e obligimeve janë në emër të tjetërkujt paraqit dëshminë për lidhjen dhe jetesën në bashkësi familjare me atë person);

9. Certifikatë pronësie të paluajtshme në emër personal (kur certifikata është në emër të tjetërkujt paraqit dëshminë për lidhjen dhe jetesën në bashkësi familjare me atë person);

10. Kontrata për shit-blerjen e pronës (kur certifikata është në emër të tjetërkujt paraqit dëshminë për lidhjen dhe jetesën në bashkësi familjare me atë person);

11. Certifikata e biznesit;

Taksat për leje qëndrim të përhershëm janë:

Për qëllim pune 100 Euro
Për bashkim familjar 70 Euro

Me lirim nga shtetësia 50 Euro

Rrethana të jashtëzakonshme 50 Euro
Për humbje dëmtim dhe përsëritje 10 Euro