Ministri i Ministrisë së Punëve të Brendshme, z. Agim Veliu, priti në takim njoftues ambasadorin e Hungarisë në Kosovës, z. Jozsef Bencze.

Në këtë takim ministri Veliu e njofoi ambasadorin për zhvillimet e fundit në vend, menaxhimin dhe parandalimin e virusit COVID-19 dhe për situatën e përgjithshme të sigurisë.

Ministri Veliu theksoi se deri më tani ka ekzistuar një bashkëpunim i mirë mes institucioneve të Republikës së Kosovës dhe Hungarisë në koordinimin dhe shkëmbimin e informatave për parandalimin e të gjitha llojeve të krimit të organizuar.

Ndërsa ambasadori hungarez Jozsef Bencze vlerësoi lartë punën dhe angazhimin e Ministrit Veliu në fushën e sigurisë si dhe shprehi gatishmërinë për thellim të bashkëpunimit mes të dy vendeve.