Kryeministri i Republikës së Kosovës, z. Albin Kurti, i shoqëruar nga u.d i ministrit të Punëve të Brendshme dhe Administratës Publike, z. Xhelal Sveçla, zëvendësministri i MPBAP-së, z. Bajram Gecaj dhe drejtori i Përgjithshëm i Policisë së Kosovës, z. Rashit Qalaj, kanë vizituar Institutin e Kosovës për Administratë Publike (IKAP), ku u priten nga Drejtoresha e përgjithshme e Institutit, znj. Refike Sulçevsit, ku bënë edhe përurimin e ndërtesës së re.

Ministri i Ministrisë së Punëve të Brendshme dhe Administratës Publike, z. Agim Veliu i bëri një vizitë stafit të Administratë Publike, me ç’ rast u njoftua me punën angazhimin dhe sukseset e shënuara të Administratës Publike e cila me riorganizimin e ri i'u bashkua Ministrisë së Punëve të Brendshme.

Në Ministrinë e Punëve të Brendshme u organizua ceremonia e pranim dorëzimit të detyrës, ndërmjet ministrit në detyrë, Mahir Yagcilar dhe ministrit të MPB-së, Agim Veliut. Siç është e njohur tashmë, Ministria e Administratës Publike, me ndryshimet e reja të Qeverisë së Re, do të jetë pjesë e Ministrisë së Punëve të Brendshme.

Me rastin e ndryshimeve të reja në Qeveri, ministri në detyrë i MAP-it, Mahir Yagcilar, i shoqëruar nga bashkëpunëtorët e tij, organizoi një takim lamtumirës me Sekretarin e Përgjithshëm, Arton Berisha dhe drejtorët e udhëheqësit e dikastereve të ministrisë.

Në takimin e dytë të punës, me përfaqësuesit e institucioneve për Projektin Hartimi i Testit Elektronik për Rekrutimin e Zyrtarëve Publikë, që është pjesë e Strategjisë së Qeverisë/MAP-it, për reformë në administratën publike, u punua në grupe punuese për përpilimin e pyetjeve nga fusha dhe sektorë të ndryshëm. Pas prezantimit të punës së grupeve, u bë edhe përpilimi i versionit final të pyetje përgjigjeve, që pritet të vendosen në këtë program, të cilat do të shërbejnë me rastin e testimeve të kandidatëve që mësyjnë administratën shtetërore.

Ministria e Administratës Publike organizoi një takim pune me përfaqësuesit e institucioneve për hartimin e projektit për testim elektronik me rastin e rekrutimit të zyrtarëve publikë, që është pjesë e Strategjisë së Qeverisë/MAP-it, për reformë në administratën publike. – „Ky projekt, është pjesë e reformave legjislative në administratën publike , të përmbledhur në Pakon Ligjore, të cilën e miratoi Kuvendi i Republikës së Kosovës, ku bëjnë pjesë edhe tre ligjet bazike që rregullojnë administratën shtetërore, dhe aspekte tjera të rëndësishme të administratës “.

Nën organizimin e Institutit të Kosovës për Administratë Publike, KRPP-së dhe USAID-it, është mbajtur ceremonia e shpërndarjes së certifikatave të Avancuara Profesionale për Prokurim Publik për 330 zyrtarë të prokurimit publik. Ky program u realizua në bashkëpunim të ngushtë të Institutit të Kosovës për Administratë Publike, KRPP-së dhe të projektit të USAID-it të titulluar “Komunat Transparente, Efektive dhe Llogaridhënëse” (TEAM).

Në 21-vjetorin e Masakrës së Reçakut, e cila konsiderohet si njëra prej ngjarjeve më të dhimbshme në historinë më të re të Kosovës, mori pjesë ministri i MAP-it, Mahir Yagcilar. Ai, me këtë rast vlerësoi se:” Kjo ngjarje e rëndë tronditi, jo vetëm opinionin e brendshëm, por edhe atë ndërkombëtar, duke lëvizuar edhe diplomacinë ndërkombëtare për të ndërmarrë hapat për ndërprerjen e dhunës dhe të krimeve në Kosovë të ushtruara nga ushtria dhe policia serbe”.